Президент Жарлықтарымен Алмас Сейтақынов Қазақстан Республикасының Моңғолиядағы Төтенше және өкілетті елшісі, ал Сергей Викторов Қазақстан Республикасының Шри-Ланка Демократиялық Социалистік Республикасындағы Төтенше және өкілетті елшісі болып тағайындалды, – деп хабарлайды Аikyn.kz Ақордаға сілтеме жасап.
Мемлекет басшысының Жарлықтарымен:
Алмас Сейтақынов Қазақстан Республикасының Моңғолиядағы Төтенше және өкілетті елшісі лауазымына тағайындалды;
Сергей Александрович Викторов Қазақстан Республикасының Шри-Ланка Демократиялық Социалистік Республикасындағы Төтенше және өкілетті елшісі лауазымына тағайындалды;
Қазақстан Республикасының Швеция Корольдігіндегі Төтенше және өкілетті елшісі Олжас Мұхамедғалымұлы Сүлейменов Қазақстан Республикасының Дания Корольдігіндегі Төтенше және өкілетті елшісі қызметін қоса атқарушы лауазымына тағайындалды, – делінген Ақорданың хабарламасында.
Сондай-ақ Мемлекет басшысының Жарлығымен Ғабит Бейбітұлы Қойшыбаев Қазақстан Республикасының Моңғолиядағы Төтенше және өкілетті елшісі лауазымынан босатылды.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.
