Иранды қолдайтын «Ирактағы исламдық қарсылық» қарулы тобы АҚШ президенті Дональд Трампқа қастандық жасаған адамға 10 миллион доллар сыйақы берілетінін мәлімдеді, – деп хабарлайды Aikyn.kz сайты.
Мәлімдеме Трамптың 2020 жылы АҚШ-тың Бағдадтағы әуе соққысынан қаза тапқан ирандық генерал Қасем Сүлеймани мен ирактық қолбасшының орынбасары Әбу Махди әл-Мухандиске қатысты айтқан пікірінен кейін жарияланған.
Сондай-ақ бұған дейін CNN Израиль тарапы АҚШ билігіне Иран тарапынан Трампқа қастандық жасалуы мүмкін екені туралы барлау мәліметтерін бергенін хабарлаған. Алайда Вашингтон бұл ақпаратты әзірге тәуелсіз түрде растаған жоқ.
