Алматы қаласының әкімі Дархан Сатыбалды «Қайрат» футбол клубын УЕФА Чемпиондар лигасының негізгі кезеңіне өтуімен құттықтады, – деп хабарлайды Aikyn.kz.
Дархан Сатыбалды “Қайрат” футбол клубының бұл жетістігі жанкүйерлерге қуаныш сыйлап, бүкіл ел үшін мақтаныш болғанын атап өтті. Сонымен қатар команданың шеберлігі мен жігері жеңіске жетелегенін айтты.
«Қайрат» футбол клубын тарихи жетістігімен – жеңісімен және Еуропаның ең беделді додасы, УЕФА Чемпиондар лигасының негізгі кезеңіне жолдама алуымен шын жүректен құттықтаймын! Алматылық команда өз шеберлігі мен жігерін айқын көрсетті. Бұл жеңіс – барша алматылықтар үшін қуаныш, бүкіл ел үшін үлкен мақтаныш. Клубқа алдағы уақытта да жеңістер мен Еуропа алаңында сәтті өнер көрсетуді тілеймін. Алматыда жаңа заманауи стадионның салынуы Қазақстан футболының дамуына тың серпін беретіні анық. Жеңіс құтты болсын!» – деп жазды Дархан Сатыбалды.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.