Сот желіде Салтанат Нүкеноваға тіл тигізген блогер Антон Бударовтың апелляциялық шағымын қанағаттандырмады. Бұл туралы Алматы соттарының баспасөз қызметі мәлім етті, – деп хабарлайды Aikyn.kz.
С️от мәліметіне сүйенсек, Алматы қалалық сотында Айтбек Амангелді мен Антон Бударовтың арасындағы таралған мәліметтерді шындыққа сәйкес келмейтін, ар-намыс пен қадір-қасиетті қорлайтын деп тану туралы азаматтық ісі алқалық тәртіпте қайта қаралған.
Бұған дейін, бірінші инстанцияның шешімімен талап қанағаттандырылған. Сот А.Бударов тарапынан Instagram парақшасында таратылған С.Нукеноваға қатысты мәліметтердің шындыққа сәйкес келмейтінін, ар-намысын, қадір-қасиетін қорлайтындығын мойындады. Сот жауапкерге оларды өзінің жеке парақшасында жариялы түрде жоққа шығару міндетін жүктеді.
Алқа жауапкердің апелляциялық шағымын негізсіз, ал соттың шешімін заңды және негізделген деп таныды. Сотта А. Бударов Instagram-дағы ” budarov_anton ” интернет парақшасы оған тиесілі екенін жоққа шығарды.
Бұл дәлелдер іс материалдарымен жоққа шығарылды. Атап айтқанда, аталған интернет парақша А.Бударовқа тиесілі телеграмм желісімен байланысты.
Сонымен қатар, YouTube әлеуметтік желісінде жауапкердің бейнепосттарын жариялайтын “Антон Бударов [Буданбай]” аккаунты бар. Әр бейнепосттың астында жауапкердің Instagram-да “budarov_anton” жеке интернет парақшасы бар екендігі айқын көрсетілген.
Апелляциялық шағымдағы жауапкерге сот талқылауы туралы тиісінше хабарландырудың болмауы туралы дәлелдер өз растамасын таппады. Аудандық сот сотталушыға шешім шығарылғанға дейін іс жүргізу туралы 4 рет хабардар еткен. Мұндай хабарламаға қарамастан, сотталушы сот отырысына қатысуға шара қолданбаған.
Сот шешімі елдегі жоғары оқу орындарының бірінің тіл маманының қорытындысына негізделген.
Қорытындылай келе, маман «Instagram» әлеуметтік желісіндегі «budarov_anton» қолданушысы №1-4 әңгімелерінде зерттеп жатқан материалды теріс бағалаушы сөздер мен стилистикалық қысқартылған коннотацияға ие өрнектерді пайдаланып, дұшпандық сипатта берілген ( бағалаушылық), мәтінде тілдік құралдарды қолдану тікелей жала жабуға (дефамацияға) бағытталған, бұл, әрине, моральдық-этикалық нормалардың шегін бұзып, бұқаралық аудиториямен қарым-қатынасқа әкеледі.
Зерттелген мәтіннің жалпы мәндік бағыты трагедиялық жағдайға тап болған С.Нукенованың тұлғасына тікелей қатысты.
Жариялаулардың авторының коммуникативтік мақсаты мәтіннің мазмұнынан шығады, онда әлеуметтік желідегі жазылушыларына маңызды ақпарат жеткізуге мақсат қойылған ақпараттық коммуникативтік ниет айқындалады, бұл С.Нукенованың өлімімен байланысты трагедиялық оқиғаның қоғамдық резонансында өзін пияр ету.
Сарапшы атап өткендей, көрсетілген мәліметтер теріс бағалау компонентін қамтиды, бұл глагольді лексемалар мен онымен байланысты сөздерде семантикада болады, олар мәтінде теріс бағалаушы «сөгуші» семантикамен және тұлғаға тікелей теріс баға берумен жүзеге асырылады, яғни қоғамға қарсы, әлеуметтік тұрғыдан айыпталатын әрекеттерді айқындайды, сондықтан Нукенова, оның отбасы және оның жақсы атымен тікелей байланысты теріс ақпаратты жеткізеді.
Сот процесінде жауапкердің тарапынан сарапшының қорытындыларын жоққа шығаратын бірде-бір дәлел келтірілмеген, соттық сараптама жүргізу туралы өтініш берілмеген, осылайша процестік қателікке жол берілген.
Сондықтан талап қоюшы жауапкер А.Бударов тарапынан шындыққа сәйкес келмейтін және С.Нукенованың ар-намысын, қадір-қасиетін төмендететін деректердің таралғандығын дәлелдеді. Жауапкер тарапынан таралған мәліметтердің шындыққа сәйкес келетіндігі дәлелденбеді.
Сот коллегиясының қаулысымен сот шешімі өзгеріссіз қалдырылып, жауапкердің апелляциялық шағымы қанағаттандырылмады.
Қаулы заңды күшіне енді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.
