Астанаға келген қонақтың қызбен таныстығы ақша ұрлығымен аяқталды, – деп хабарлайды Aikyn.kz Polisia.kz-ке сілтеме жасап.
Кездейсоқ таныстық 21 жастағы алматылыққа 7 мың АҚШ долларынан астам шығын әкелді. Жас жігіт түнгі мекемеде болып, сол жерде қызбен танысқан. Алғашқы таныстық жастарды жақындастырғаны соншалық, олар басқа барда көңіл көтеруді жалғастырып, соңында қонақүйге барған.
Жігіттің босаңсығаны соншалық, ол байқаусызда сөмкесіндегі 10 мың АҚШ доллары көлемінде банкноттарды көрсеткен.
Қонақ үй бөлмесінде жігіт ұйықтап қалғаннан кейін қыз жиналып, өзімен бірге 7200 АҚШ долларын алып кетіп қалған. Оянғаннан кейін көлік сатып алуды жоспарлаған қаражатының жоғалғанын білген елорда қонағы полицияға жүгінді.
Жедел іздестіру нәтижесігнде, Есіл ауданының полиция қызметкерлері ұрлық жасады деген 25 жастағы күдіктіні бір тәулік ішінде анықтады. Аталған факті бойынша қылмыстық іс қозғалды, қыз кінәсін мойындады.
Полиция қаражаттың бір бөлігін тәркіледі. Астана қаласының Полиция департаменті азаматтарға қырағы болуды, бейтаныс адамдарға сенбеуді ескертеді. Қоғамдық орындарда құнды заттар мен ірі ақшалай қаражаттарды көрсетпеуге кеңес береміз. Сізге қатысты құқыққа қайшы әрекеттер жасалған жағдайда, “102” арнасына дереу полицияға хабарласу қажет.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.