Қаржы жинау – көп адам үшін қиын көрінетін дағды. Бірақ дұрыс тәсілдерді қолдансаңыз, айлық табысыңыздан кемінде 10% үнемдеп отыру – әбден мүмкін. Бұл ақпаратымызда күнделікті өмірде қолдануға болатын қарапайым әдістерді ұсынамыз.
1. Алдымен өз-өзіңізге төлеңіз. Айлық түскен күні бірінші кезекте табыстың 10%-ын бөлек шотқа немесе депозитке аударыңыз. Осылайша, ол ақша «қолдан кетпейді».
2. Шығынды жазып отырыңыз. Күнделікті шығынды жазу – қайда артық ақша кетіп жатқанын көруге көмектеседі. Бір ай бақылағаннан кейін артық шығындарды қысқартуға болады.
3. «Қажет» пен «қалау» айырмасын біліңіз. Кейде бізге шынымен қажет емес нәрселерге қаражат кетеді. Әр сатып аларда өзіңізден «Бұл шынымен керек пе?» деп сұраңыз.
4. Автоматты жинақ жүйесін қосыңыз. Кейбір банктер жалақыдан автоматты түрде белгілі бір пайызды жинақ шотына аудару қызметін ұсынады. Бұл – ақша жинаудың ең ыңғайлы тәсілдерінің бірі.
5. Шағын қадамнан бастаңыз. Бірден 10% бөлу қиын болса, алдымен 5%-дан бастаңыз. Бірнеше айдан кейін бұл көрсеткішті 10%-ға жеткізуге болады.
6. Үнемдеуді әдетке айналдырыңыз. Жинақ – қысқамерзімді емес, ұзақмерзімді әдет. Уақыт өте келе бұл қаржылық қауіпсіздігіңізді арттырады.
Ай сайынғы табыстан кемінде 10% үнемдеу – артық күш пен күрделі жоспарды қажет етпейді. Ең бастысы, тұрақты дағды қалыптастыру. Уақыт өте келе шағын сомалар үлкен капиталға айналып, сіздің қаржылық еркіндігіңізді қамтамасыз етеді.
