Белгілі әнші Сиви Махмуди журналист Анна Данченкоға сұхбат беріп, отбасылық өмірі туралы айтты, – деп хабарлайды Aikyn.kz.
«Енем баласын қатты қызғанды. Тіпті, ортамызға келіп жатып алатын. Келін болып түскен күні “Сезімдерің 2-3 жылдан кейін суып жатса, ажырасыңдар” деді. Мен сол сөзіне қатты таңғалатынмын. Осы күнге дейін экс-енем де, жолдасым да балаларды сұраған емес», – деп жазды Сиви Махмудидің сөзін Azattyq Rýhy.
Сонымен қатар ол іздеуде жүрген күйеуінің қандай адам болғанын айтты.
«Біз үйленген жылдары жұмыс істейтін. Сосын 2-3 жылдан кейін істемей қалды. Таңертеңнен кешке дейін үйде ұйықтай беретін. Өзім жұмыс істеп, табыс тауып, балаларымды асырадым», – деді әнші.
Айта кетейік, бұған дейін Астана қаласының Сыбайлас жемқорлыққа қарсы күрес департаменті әншінің бұрынғы жары Аңсар Қажымұқанұлына іздеу жариялағанын хабарлаған болатын.
