Оқиға 18 қазан күні Жаңаөзен қаласында болған. Әлеуметтік желілерде тарап кеткен видеода оқушы қыздардың қақтығысы бейнеленген, – деп хабарлайды Aikyn.kz сайты.
Маңғыстау облыстық полиция департаменті оқиғаға қатысқан жасөспірімдердің барлығы анықталып, ата-аналарымен бірге полиция бөліміне жеткізілгенін хабарлады.
Тексеру нәтижесінде, кәмелетке толмағандардың ата-аналарына Әкімшілік құқық бұзушылық туралы кодекстің 127-бабы «Балаларын тәрбиелеу мен оқыту бойынша өз міндеттерін тиісінше орындамау» бойынша әкімшілік іс қозғалды. Оларға 10 АЕК (39 320 теңге) мөлшерінде айыппұл салынды.
Материал кәмелетке толмағандар ісі жөніндегі комиссияға жолданып, жасөспірімдердің өздері профилактикалық бақылауға алынды.
