Жазғы аптапта үйде кондиционер болмаса, бөлме ішіндегі температура тез көтеріледі. Мамандар мұндай кезде үйді салқын ұстау үшін бірнеше қарапайым ережені сақтауға кеңес береді.
Ең алдымен, күндіз терезе мен пердені жауып қою қажет. Үйге ең көп жылу күн сәулесі арқылы кіреді. Әсіресе күн түсетін терезелерді қалың немесе ашық түсті пердемен жапқан дұрыс.
Екінші маңызды кеңес — үйді таңертең ерте және кешке желдету. Күндіз сырттағы ауа ыстық болғандықтан, терезені ашу бөлмені одан сайын жылытып жіберуі мүмкін. Ал таңертең және кешке терезелерді қарама-қарсы ашса, үй ішіндегі ауа жаңарып, бөлме салқындайды.
Үшінші тәсіл — үй ішіндегі артық жылу көздерін азайту. Үш пеші, үтік, қуатты шамдар, компьютер сияқты құрылғылар бөлмені қосымша жылытады. Сондықтан ыстық күндері оларды мүмкіндігінше аз қолданған жөн.
Қарапайым шаралар үйдегі ыстықты толық жоймаса да, бөлме температурасын жеңілдетуге және жазғы күндері үйде жайлырақ отыруға көмектеседі.
