Ұлттық статистика бюросы 1 қазандағы Қазақстан халқының саны туралы мәліметтерді жариялады, – деп хабарлайды Aikyn.kz.
Бюроның мәліметінше, 1 қазанда Қазақстанда 20 223 218 адам тұрады. Жыл басымен салыстырғанда қазақстандықтардың саны 190 мыңға жуық өскен.
Қазақстанда халық саны миллионнан асқан үш қала бар: Алматы (2 275 541 адам), Астана (1 502 102 адам) және Шымкент (1 246 661 адам). Облыстардың ішінде Түркістан (2 153 616 адам), Алматы (1 551 350 адам), Жамбыл (1 222 973 адам) және Қарағанды (1 134 257 адам) облыстарында миллионнан астам халық тұрады.
Қазақстандықтардың басым бөлігі қала тұрғындары – 12 704 977 адам. Ауылдық жерлерде 7 518 241 адам тұрады.
