Республика күні қарсаңында Бас прокуратурада салтанатты жиын өтіп, органның бірнеше қызметкері мемлекеттік наградалармен марапатталды, – деп хабарлайды Aikyn.kz.
Марапатталғандардың арасында экс министр Қуандық Бишімбаевтың ісіне қатысып, танымалдыққа ие болған Айжан Аймағанова мен Саяхат Нұрбеков те болды.
– Ұлттық мереке қарсаңында Мемлекет басшысының Жарлығымен бірқатар прокурорлардың заңдылық пен құқықтық тәртіпті нығайтудағы еңбегі мемлекеттік наградалармен марапатталды. Президенттің жарлығымен Аймағанова Айжан мен Нұрбеков Саяхат “Ерен еңбегі үшін” медалімен марапатталды, – деп нақтылады ҚР Бас прокуратурасының баспасөз қызметі.