Жарысты «BI-Жұлдызай» корпоративтік қоры Қазақстан Республикасының Ұлттық Паралимпиада Комитетінің, Туризм және спорт министрлігінің, Астана қаласы әкімдігінің және спорт пен білім беру саласының профильдік басқармаларының қолдауымен ұйымдастырады, – деп хабарлайды Aikyn.kz сайты.
Салтанатты ашылу рәсімі 2 қазанда сағат 11:00-де Астанадағы Жақсылық Үшкемпіров атындағы Жекпе-жек сарайында өтеді.
Қатысушылар 9 спорт түрінен бақ сынайды:
мини-футбол
үстел теннисі
жеңіл атлетика
голбол
бочча
шоудаун
сондай-ақ ұлттық ойындар – бес тас, асық ату, тоғызқұмалақ.
Биыл ерекше назар шоудаунға аударылды – көру қабілеті төмен және көзі көрмейтін балаларға арналған бейімделген үстел ойыны. Халықаралық паралимпиадалық комитет мойындаған бұл спорт түрі балалардың белсенді өмірге қатысуына, инклюзивті ортада дамуына және тең жағдайда жарысуына жаңа мүмкіндіктер ашады.
Жеңімпаздар халықаралық турнирлерге қатысуға және спорттық разрядтар алуға мүмкіндік алады.
«Жұлдызай» ойындары – бұл тек жарыс емес. Бұл инклюзивті спортты дамытуға және әр баланың өз әлеуетін ашуына жол ашатын маңызды қадам.
Бағдарлама:
1 қазан – қатысушылардың келуі
2 қазан – салтанатты ашылу және алғашқы жарыстар
2–3 қазан – жарыстар мен мәдени бағдарлама
4 қазан – жабылу рәсімі және қатысушылардың аттануы.
