Әнші Қайрат Нұртас өнер жолында жүргеніне 20 жыл толуына орай концерт өткізді, – деп жазды Aikyn.kz.
Кеште әншінің анасы әрі продюсері Гүлзира Айдарбекова халыққа алғыс айтты. Осыдан жиырма жыл бұрын концертке 40-50 адам келгеніне қуанған болса, бүгінде кешін тамашалауға 40-50 мың адам жиналады. Бұл көрерменнің құрметі мен сүйіспеншілігінің көрінісі екенін атап өтті.
«Әр ана үшін өзінің баласының жетістігі — жеңіс. Міне, осыдан 20 жыл бұрын әрбір ауылда, қалада 40-50 адам жинасақ, біз қуанатынбыз. Қазір сіздердің арқаларыңызда 40-50 мың адамға толып жатыр. Сіздерге аналық жүрегіммен алғыс айтамын», — деді Гүлзира Айдарбекова.
Желі қолданушылары бұл көрініске сүйсініп, жылы лебізін білдірді.
«Мамасы мықты екен, мен болсам жылайтын едім», «Мамасы бақыттан басы айналып тұрған шығар», «Мамасы дейміз ғой, бірақ титтейінен қолдаған әкесін де айтуымыз керек», — деді желі қолданушылары.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.