Шығыс Қазақстан облысы Риддер қаласының орман алқабына баруға тыйым салынды, – деп хабарлайды Aikyn.kz. «Риддер орман шаруашылығы» КММ-не сілтеме жасап.
Олардың мәліметінше, тыйым жоғары өрт қаупіне байланысты енгізіліп отыр.
– Шығыс Қазақстан облысы Риддер қаласының орман алқабына ауа райы жағдайына байланысты өрт қаупінің жоғары IV класы белгіленді. Осыған байланысты орманға баруға тыйым салынады. Тыйым мол жауын-шашын түскенге дейін өз күшінде болады, – делінген «Риддер орман шаруашылығы» КММ-нің хабарламасында.
Белгіленген талапты бұзғандар әкімшілік жауапкершілікке тартылады. Жеке тұлғалар үшін айыппұл мөлшері 10 АЕК, яғни 43 250 теңге.
