Биыл ҰБТ-дан 1 балл жинап, дүйім жұртты шулатқан Ерасыл Уәлиев Түркияның 10 университетінен шақырту алған. Бұл туралы ол әлеуметтік желідегі парақшасында бөлісті, – деп хабарлайды Aikyn.kz сайты.
Жазбада Ерасыл барлық шақыртудың скриншотын көрсетті. Сонымен Е. Уәлиевке шақырту жіберген университеттер:
Özyeğin University: Жасанды интеллект
OSTİM: Авиация және ғарыш техникасы
Final University: Стоматология
Antalya Bilim University: Сәулет
World Peace University: Бағдарламалау
Domus University: Ойын дизайны
KOSTU: Бағдарламалау
Вeykent University: Актерлік шеберлік
Еске салайық, бұған дейін Ерасыл Уәлиев Ұлттық бірыңғай тестілеу нәтижесі бойынша 1 балл жинағанын хабарлаған едік.
Кейінірек Ұлттық тестілеу орталығы қызметкерлері Ерасыл Уәлиевтің екі рет – 12 және 30 маусымда Алматыда тестілеуден өткенін мәлімдеді.
“12 маусымда бұл тест тапсырушы 93 балл жинады, 30 маусымда ол 1 балл жинады, бірақ ол тестілеуден бар болғаны 4 минут өткенін атап өткен жөн”, – деп түсіндірді тестілеу орталығы қызметкерлері.
