Блогер Ырысбала Икрамбай өзіне тексеріс жүргізілетінін айтты, – деп жазды Aikyn.kz.
Айтуынша, Туризм және спорт министрлігінен хат келген.
“Таңертең ұйқыдан тұрсам, министрліктен хат келді. Күйеуімнің туған күнінде тосынсый болды. “Істеп жүрген іс-әрекетіне түсініктеме берсін” депті. Өздері бола алмайды, болғанды көре алмайтындардың тірлігі. Өздерін тексерсең, қалталарынан көк тиын шықпайды. Өткен жылы да тексеру келген. Сол кезде Астанаға арнайы барып, түгел құжаттарымның есебін көрсеттім. Жұмыстарымның шынайы екенін дәлелдеп шықтым. Қорғаушысыз, адвокатсыз сотқа қатысып келдім. Не істеп жүргеніме жауап бере аламын. Сендер секілді арамзалардың сөзі маған өтпейді. Жазатын жердің бәріне жазыңдар. Халықтың арқасында байып кетемін. Әлі мен самолет аламын”, – деп жазды Ырысбала.
Айта кетейік, желіде Гүлім Болатжан есімді ана блогердің жинаған 13,5 миллион теңгесін ала алмағанын айтқан болатын.
Алайда Ырысбала Икрамбай ол он жылдан бері халықтан көмек сұрауды кәсіп қылып алғанын жеткізді.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
