Әнші Қарақат Әбілдина әлеуметтік желідегі парақшасында алдағы концерті туралы жазба жариялады, – деп жазды Aikyn.kz.
Өнер иесі еліміздің қалаларын аралап, концерт өткізгенін айтты. Көрерменнің ыстық ықыласына бөленген әнші алдағы шығармашылық жоспарын жеткізді.
«Ұзақ ән сапардан енді ғана оралып жатырмыз. Бір қаладан бір қалаға асығып жүріп, осы концертке арнайы дайындалуға да уақыт тапшы болды. Есімізді жиып, балаларымызға соғуға мұрша болмай, Алматыдан бір-ақ шықтық… Концерт беру – үлкен жауапкершілік. Енді, міне, бар күш-жігерімізді жинап, бас қалада өтетін концертімізге дайындыққа кірістік. Алла қуат берсін! Шүкір, еліміздің барлық қаласында өткен концерттеріміз аншлагпен, үлкен ықыласпен өтті. Сол сенім мен қолдауды енді, Алматы мен Астана көрерменінен күтеміз. Сағынысып қауышатын, бірге ән шырқап, бірге қуанатын күнге аз ғана уақыт қалды», – деді әнші.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
