Әнші Ерке Есмахан әлеуметтік желіде отбасылық сурет жариялап, алдағы жоспарын айтты , – деп хабарлайды Aikyn.kz.
Өнер иесі отбасындағы қуанышқа орай алдағы уақытта той жасағысы келетінін айтты.
«Бұл суреттерде Исламның туған күнінен кейінгі біздің үйдің атмосферасы бейнеленген. Біз жанұямыздағы кез келген мерекені тып-тыныш, шаңырақ астында атап өткенді жақсы көреміз. Бірақ болашақта үлкен бір той жасауға ниеттіміз», – деп жазды әнші.
Желі қолданушылары әншіге қолдау көрсетіп, жылы лебізін білдіріп жатыр.
«Бақыт тыныштықты жақсы көреді деген осы емес пе? Ешкімде шаруалары жоқ, өз-өздерімен, ешкіммен араласпай, жанталаспай өз өмірін сүру. Қандай керемет, қандай бақыт. Әдемі», «Неге екенін білмеймін, сіздің вайб, әр суреттегі эстетика ұнайды», «Бақыт деген осы. Адамда жақсы қасиет болса, оған бақ та, бақыт та қонар. Бақытыңыз еселене берсін», – деп жазды желі қолданушылары.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
