Әнші Тамара Асар Дина Төлепбергенге берген сұхбатында айтқан сөзі қызу талқыға түсті, – деп жазды Aikyn.kz.
Өнер иесі отбасындағы әйелдің рөлі туралы айтқан. Оның айтуынша, әйел төзімді болуы керек.
«Мен артығырақ сүйемін. Артық сүю деген – артығырақ бас ию. Ер адамды әйел адам артығырақ сүйіп, әділетсіздігіне де көне білуі керек. Оны барлық уақытта ақ қағаздың бетіне түзу жүргізу емес. Ер адам түзу жүруге тиіс емес. Қазіргі болып жатқан проблема осыдан. Әйелдер әділетсіздікті қабылдай алмағандықтан туындайды. Әділетсіздікті сен шешпейсің, ол жоғарыда шешіледі», – деді Тамара Асар.
Бұл әлеуметтік желіде қызу талқыланып жатыр.
«Ер азаматты сыйлаған сайын ол да бағалайды, Тамара ханым дұрыс айтады», «Бұл – өмірлік тәжірибеден алынған сөз», «Әділетсіздікке көне беру – әйелдің құқығын таптау», «Ер адам жауапкершіліктен қашпай, түзу жүруге тиіс», «Сонда ол ер адам үшін әйел адамның еш қадірі болмағаны ма?», «Өте дұрыс», – деп жазды желі қолданушылары.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
