«Нұр–Мұқасан» тобының жаңа әншісі Ғалымжан Сүлейменнің ән шырқаған бейнежазбасы жарияланды, – деп хабарлайды Aikyn.kz.
Жақында топтың бұрынғы мүшесі Мұқасан Шахзадаев топ болып Ғалымжан Сүлейменді есінен танғанша соққыға жыққаны белгілі болған еді.
Желіде тараған видеода топтың тойда ән айтып тұрған сәтін көруге болады. Көпшілік «Қос қарлығаш» әнін орындаған Ғалымжан Сүлейменге жоғары баға берген. Сонымен қатар Мұқасан Шахзадаев жас әншінің өнерін қызғанып соққыға жықты деген болжам жасаған.
«Топтың атын өзгертіңдер, Нұр–Ғалым болсын», «Дауысы қандай әдемі! Соған қызғанған ғой, бәлкім «менен асып кетті» деп ұрған шығар», «Іштарлық жақсылыққа апармайды», «Жиі сахнаға шыға беріңдер! Көре алмағандар ішін тырнасын», «Мына жас жігіт жанып тұрғанын көре алмай кеткен ғой, Нұрлан да жарқырап тұр», – деп жазды желі қолданушылары.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.