Актер Дәурен Айдарқұлов Аман Тасығанға берген сұхбатында жеке өмірі туралы айтты, – деп жазды Aikyn.kz.
Актер әнші Ақбота-Нұр Сейітмағамбет екеуінің балалары ата-анасымен тұратынын жеткізді.
“Ақботадан екі баламыз бастапқыда анасымен бірге тұрған. Бірақ Ақбота әрдайым сыртта жүреді. Күтушімен тұру бала үшін қиындау. Туған-туыстың махаббатын сезіне алмайды. Менің үш баламды анам тәрбиелеген. Ақбота екеуміз сондай шешімге келдік. Балалар ата-әжесімен, менің қарындасыммен тұрғаны дұрыс деп шештік. Ақботаның тұратын үйі бізден алыс емес. Сондықтан екі ортада жүреді, демалыс күні алып кетеді”, – дейді актер.
Дәурен Айдарқұлов ажырасу өзіне оңай тимегенін айтты. Ол болған жағдайды қабылдау үшін біраз уақыт кеткенін жасырмады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.
