Ақтөбелік жас футболшының өліміне қатысты тың деректер анықталды. Тергеу барысында тергеушілер газ жабдығында ақау болуы мүмкін деген нұсқаны келтірді, – деп хабарлайды Аikyn.kz
Бұл туралы облыстық Төтенше жағдайлар департаменті баспасөз қызметі хабарлады.
Олардың мәліметінше, оқиға кеше Ақтөбе қаласындағы Кутуев көшесінде болған. Құтқарушылар оқиға орнына жеткенде өрт болмаған. Алайда үш адамның мәйіті табылған.
– Қазір полиция қызметкерлері барлық қажетті тергеу әрекетін жүргізіп жатыр. Оқиғаның себебі мен мән-жайы анықталуда. Газ жабдығына техникалық сараптама жүргізілді. Сот-медициналық сараптама тағайындалды. Оның үстіне, бір үйден үш адамның өліміне қатысты тергеу басталғанын хабарлады, – деді Ақтөбе облысының ТЖД өкілдері.
Айта кетейік, бұған дейін Ақтөбе U-16 командасының ойыншысы, 15 жастағы футболшы Арон Мұса өмірден өткенін хабарлаған едік. Онымен бірге әжесі және немере ағасы да көз жұмды.
